БИШКЕК, 9-янв. — Sputnik. Жамааттык коопсуздук келишим уюмуна мүчө-мамлекеттердин башчыларынын видеоконференциясы 10-январда өтөт. Бул тууралуу Sputnik Армения Telegram каналы Армениянын премьер-министринин маалымат кызматына шилтеме кылып жазды.
Анда Никол Пашинян телефон аркылуу Владимир Путин менен сүйлөшүп, Армения ЖККУнун төрагасы катары отурумду уюштура турганын айткан.
Буга чейин Касым-Жоомарт Токаев Жамааттык коопсуздук келишим уюмунун онлайн-жыйынын Казакстандагы кырдаал боюнча өткөрүүнү Путинге сунуштаган.