БИШКЕК, 2-янв. — Sputnik. Жол кырсыктарын жана жол эрежесин одоно бузууну алдын алуу максатында Кыргызстандын бардык аймагында Жол кайгуул кызматы рейддерди өткөрүп жаткандыгын Жол кыймылы коопсуздугун камсыздоо башкы башкармалыгынын маалымат кызматы билдирди.
31-декабрда өлкө аймагында 681 жол эрежесин бузуу катталган. Алардын ичинен 29 айдоочу мас болуп унаа башкарып бара жаткан.
Жол кайгуул милициясы тарабынан катталган эреже бузуулар:
жол белгилеринин талаптарын аткарбоо — 208;
өтмөк жолдордо эреже бузуу — 93;
айдоочулардын белгиленген ылдамдыктын чегинен ашып кетиши — 64;
мас абалында унаа башкаруу — 29;
тиешелүү документтери жок автотранспорт каражаттарын башкаруу — 19;
транспорт каражаттарын каттоо эрежелерин бузуу — 19;
балдарды ташуу эрежелерин бузуу — 19;
жасалма айдоочулук күбөлүк менен автоунаа айдоо — 15;
мамлекеттик номери жок транспорт каражаттарын башкаруу — 4;
айнектери караңгылатылган унааны башкаруу — 4;
транспорт каражатын кайра жабдуу — 3;
карама-каршы тилкеде транспорт каражатын башкаруу — 3;
автобейбаштык — 2.
Рейддин жыйынтыгында 69 унаа айып короого токтотулду.
Жол кайгуул милициясынан эскерткендей, өзүнө ашыкча ишенүү, жол эрежелерин билбөө жана айлана-чөйрөгө көңүл коштук менен мамиле кылуу көбүнчө кесепеттүү болот.