"Абжир" деген көөнө сөз — митаам, арамза деген сөздөрдүн синоними. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында билдирди.
Анын айтымында, бул сөз учурда коомчулукта дээрлик колдонулбайт.
"Күнүмдүк турмушта колдонулбай калган абжир же абжүр деген көөнө сөз бар. Ал митаам, эки жүздүү, куу, арамза дегенди түшүндүрөт. Ошондой эле бузуку сөз деген маанини берген абжир сөз деген түшүнүк бар", — деди Талантбеков.
Манасчы көөнө сөздөрдү күнүмдүк турмушта колдонуу зарылдыгын кошумчалады.