БИШКЕК, 1-янв. — Sputnik. Казакстандын шаарларын полициянын видеокайгуулдары кыдырып жатат. Бул тууралуу Sputnik Казакстан агенттигинин Telegram-каналы кабарлады.
Кайгуулчулар 15-январга чейин Костанай жана Рудный шаарларынын көчөлөрүндө иш алып барат.
Полициянын унааларына жол кыймылынын эрежелерин бузгандарды видеого каттаган система орнотулган. Аны "Ekin Patrol G2" деп аташкан.
Ал каражаттар автоунаанын номерин таанып, ылдамдыкты ашырып айдагандарды жана башка эреже бузууну каттайт. Бир эле убакта автоунаалардын номери базадан автоматтык түрдө текшерилип, издөөдө жүргөндөр жана айып пулун төлөй электер чыгат.
Алматыда ушундай эле "Сергек-Кайгуул" аталышындагы система бар.