Аталган аймактагы Юйшань улуттук паркынын өкүлдөрү ал жерге келгендерди автоунаасын ачык таштап кетпегиле деп эскертип турат. Андан сырткары, тамак-аш менен "коноктоого" тыюу салган. Аталган паркта канаттуулардан тарта сойлоп жүргөн макулуктарга чейин жашайт. Бирок баарынан көп баш оору жараткандар — тайвань маймылдары (мacaca cyclopis). Булар адатта тобу менен жүрүп, кишилердин баштыктарын тинтип, ал тургай темир тулпарларды да "тазалап" жиберет.
Алар — Tataka Troop ("Татака отряды") деген топ, бул жаныбарлардын тажрыйбасы жок туристтерди сызга отургузуп кеткен учурлары арбын.
Жакында эле алардын "ишмердүүлүгү" өркүндөп кетип, Кайгуул автоунаасын "тейлеп" жиберишкен. Бирөө суусундукту, экинчиси катырылган камырды, дагы бирөө шам-шум эте турган башка азыктарды таап чыккан. Биологдор мындай жоруктардын ээси менен күрөшүүгө болбой тургандыгын, себеби жаратылышынан ошондой экендигин айтышкан. Алардын чабуулунда калбаш үчүн тамак-ашты жана эшик-терезелерди ачык таштабаш керек.
Анткен менен тайвандыктар өзү менен суусундуктарды, тамак-ашты көтөрө жүргөндүктөн дайыма "курмандык" болуп келет.