Жаңы редакциядагы Салык кодексинде жалпы жана бирдиктүү салык режими гана болот. Бул тууралуу Наргиза Мирлан кызы Sputnik Кыргызстан радиосунда маек куруп жатып билдирди.
Анын айтымында, көмүскө экономикадан чыгуу үчүн жаңы салыктык башкаруу болуп, өзгөртүүлөр киргизилди.
"Жаңы редакциядагы Салык кодексинде жалпы жана бирдиктүү салык режими гана болот. Мисалы, ишкер компания ачканда дароо жалпы салыктык режимге катталса болот. Анда 12 пайыздык ставка менен кошумча нарк салыгы, сатуудан түшкөн салык, тапкан кирешеден түшкөн каражаттын 10 пайызы төлөнөт. Мындан тышкары, Бирдиктүү салык режимине өзгөртүүлөр жана кошумчалар киргизилди. Тапкан акчанын көлөмү жыл ичинде 30 миллион сомдон көтөрүлбөсө, ишкерлер Бирдиктүү салык режимин колдоно алат. Ага сатуу, пайда жана кошумча нарк салыктары кошулат. Муну бийлик көмүскө экономикадан чыгуу максатында киргизип жаткандыгын белгиледи", — деди Мирлан кызы.
Ошондой эле адис текстиль тармагындагылар 2026-жылдын 31-декабрына чейин түшкөн акчанын көлөмү жыл ичинде 30 миллиондон ашса да кирешесинин бир пайызын салык катары төлөй тургандыгын кошумчалады.