БИШКЕК, 20-дек. — Sputnik. Бишкекте эки маршруттун схемасы өзгөртүлдү. Бул тууралуу мэрия билдирди.
Коомдук транспорттордун каттамдарын ачуу, жабуу жана өзгөртүү маселелерин кароо боюнча комиссия түзүлгөн. Анын курамына Кайгуул милициясынын, Автоунаа, суу транспорту жана салмак-тыш көзөмөл агенттигинин, Бишкек троллейбус башкармалыгынын, Бишкек жүргүнчүлөр автотранспорту ишканасынын жана акимчиликтин өкүлдөрү кирген.
Комиссиянын жыйынында эки чечим кабыл алынган. Ага ылайык, № 106 маршруттун схемасы жарым-жартылай өзгөрүп, Гагарин — Шота Руставели — Жаманбаев — Чыңгыз Айтматов көчөлөрү менен каттап, андан ары мурдагы схема менен кетет.
Ал эми № 169 маршруттун схемасы Жаңы Доор көчөсүнө чейин узартылып, андан аркысы өзгөрүүсүз калды.
Буга чейин дагы эки маршрутканын каттаган жолу өзгөртүлгөн.