БИШКЕК, 18-дек. — Sputnik. Талас районунун Чат-Базар айылында жол кырсыгынан 14 жаштагы өспүрүм балдар каза болду. Бул тууралуу Өзгөчө кырдаалдар министрлиги кабарлады.
Билдирмеге караганда, Mercedes Benz үлгүсүндөгү жеңил унаанын айдоочусу рулга ээ боло албай жол четиндеги тосмону сүзгөн. Кырсык кечээ, 17-декабрда, Суусамыр — Талас — Тараз жолунда болгону айтылды.
ӨКМдин куткаруучулары унаага кыпчылып калган 14 жаштагы эки өспүрүм баланы чыгарып, Тез жардам кызматына өткөрүп беришкен. Бирок алар ооруканага жетпей каза болуп калган.