БИШКЕК, 18-дек. — Sputnik. Бүгүн, 18-декабрь күнү, "Тазалык" муниципалдык ишканасынын дагы бир кызматкерин автоунаа койдуруп кетти. Бул тууралуу Sputnik редакциясына Милициянын кайгуул кызматынын маалымат катчысы Байказы Айтикул уулу билдирди.
Анын айтымында, жол кырсыгы саат 1.20лар чамасында катталган.
"Тазалык" кызматкерин Honda CR-V үлгүсүндөгү автоунаа кагып алды. Жабырлануучу көз жумду", — деди Айтикул уулу.
Муниципалдык ишканадан маалымат кийинчерээк берилерин айтышты.
Тилекке каршы, бул үстүбүздөгү айдагы биринчи окуя эмес. 12-декабрь күнү "Тазалыктын" башка кызматкери жол кырсыгынан каза болгон.