"Бишкек шаарынын мэриясынын 2021-жылга бюджети 10,2 миллиард сом. Бюджет кодексинин талаптарына ылайык, борбор калаанын бюджети балансталган. Башкача айтканда, кирешеге жараша чыгаша түзүлүп, дефицит болбойт. Финансы министрлиги тарабынан коюлган планга ылайык, 2022-жылы борбор калаанын бюджетин 10,5 миллиард сомго жеткирүү мерчемделип, өсүш 300 миллион сомду түзмөкчү. Негизинен борбор калаанын бюджетинин 60 пайызга жакыны соцблокко жумшалат. Анткени борбор калаада мектеп жана мектепке чейинки билим берүү тармагы жергиликтүү бюджеттен каржыланат. Башка аймактарда бул тармакка республикалык бюджеттен каржы бөлүнөт. Мына ошондуктан мэрияда капиталдык салымдарга каражат тартыш болуп калууда. Бул маселе чечилсе, борбор калаанын көптөгөн көйгөйлөрүн чечүүгө мүмкүндүк жаралмак. Ошондой эле бюджеттин чыгашасын оптималдаштыруу иши дайыма жүргүзүлүп келет", — деди Малдыбаев.