"Онлайн жарманке мыйзамдуу жана коопсуз миграциялык каналдар аркылуу кыргызстандыктарды жумушка орноштуруу, эмгек мигранттарынын кызыкчылыктарын коргоо, иш берүүчүлөргө өздөрүнүн бош орундарын көрсөтүүгө мүмкүнчүлүк берүү жана потенциалдуу жумушчуларга жумуш таап берүү максатын көздөйт. Иш-чарага https://www.migrant.kg сайтында көрсөтүлгөн шилтеме аркылуу катышса болот. Мында РФ, Түркия, БАЭ, Катар, Германия, Сауд Аравиясы, Польша, Литва, Словакия жана башка мамлекеттерге ишке орноштуруу боюнча жеке агенттиктердин жана чет өлкөлүк иш берүүчүлөрдүн өкүлдөрү учурдагы бош жумуш орундары боюнча маалыматтар менен бөлүшүп, жарандардын суроолоруна жооп беришет. Мындан тышкары, маалымат консультациялык борбордун өкүлдөрү ишке орноштуруунун тартиби жана шарты тууралуу айтып беришет", — деди Акматбеков.