БИШКЕК, 13-дек. — Sputnik. Эртең Кыргызстанга Кытай өндүрүшүнөн чыккан Sinopharm вакцинасынын кезектеги партиясы жеткирилет. Бул туурасында министрлер кабинетинин маалымат кызматынан кабарлашты.
"1,5 миллион доза препаратты Кытай Саламаттык сактоо министрлигине гуманитардык жардам катары берет", — деп айтылат маалыматта.
Кытай буга чейин Кыргызстанга Sinopharm вакцинасынын бир нече ирет берген.
Ал эми сентябрда президент Садыр Жапаров менен жолуккан Кытайдын тышкы иштер министри Ван И алар Кыргызстандын социалдык-экономикалык өнүгүүсүн колдоо иретинде 650 миллион юань (100 миллион доллардын тегереги) менен коронавирустук инфекцияга каршы кытайлык вакцинанын 1 миллион дозасын берүүгө даяр экенин айткан эле.