БИШКЕК, 13-дек. — Sputnik. Өткөн суткада коронавирустан каза тапкандар болгон жок. Бул тууралуу Саламаттык сактоо министрлигинен кабарлады.
Ал эми вирус жугузуп алгандар тууралуу айта турган болсок, өлкө боюнча 26 кишиден COVID-19 аныкталды.
Айыгып чыккандар ооругандарга карата көбүрөөк, акыркы 24 саат ичинде 31 киши сакайды.
Ушуну менен Кыргызстанда коронавирусту жуктургандардын жалпы саны 183 991ге жетти. Анын ичинен 179 040 адам дартты жеңген. Жалпысынан оору 2 770 кишинин өмүрүн алган.
Азыркы тапта өлкө боюнча 698 бейтап коронавирустан дарыланып жатканы айтылды. Алардын 350сү ооруканада болсо, 348 киши медициналык жардамды үйлөрүнөн алууда.