БИШКЕК, 12-дек. — Sputnik. Жумгалдын Баш-Кууганды айылынын Кара-Кечеге кетчү жолду тосуп алган тургундары тарады. Бул тууралуу Нарын облустук ички иштер башкармалыгынын маалымат катчысы Кундуз Эсенгулова билдирди.
Эсенгулованын айтымында, маркумдардын сөөгү бүгүн жерге берилди.
"Топурак салганы баргандар ошол жактан эле жол тосууга келишкен. Алар бийликтен жолду оңдоп берүүнү талап кылышты. Түшүндүрүү иштеринен соң эл тарады", — деди маалымат катчы.
Ушу тапта абал тынч экени, эч кандай тартип бузуу катталбаганы кошумчаланды.