БИШКЕК, 11-дек. — Sputnik. Ош шаарында кыргыз күрөш боюнча 150 спортчу катышкан эл аралык турнир башталды. Бул тууралуу Ош мэриясынын маалымат кызматынан кабарлады.
"Мелдешке Кыргызстандын жети облусунан, Бишкек, Ош шаарларынан жана Өзбекстандан 150 балбан катышууда", — деп айтылган маалыматта.
Иш-чараны Ош шаардык дене тарбия жана спорт комитети, Ош шаарынын жана облусунун кыргыз күрөш федерациясы уюштурган.