БИШКЕК, 9-дек. — Sputnik. Бишкек, Ош, Чолпон-Ата шаарларында жана Сузак районунда өрт өчүрүү кызматтарына жаңы имараттар курулат. Бул тууралуу ӨКМден билдиришти.
Эртең алгачкы капсула Бишкек шаарында салынмакчы. Иш-чарага Бишкек шаарынын мэри Айбек Жунушалиев, өзгөчө кырдаалдар министринин орун басары Акылбек Мазарипов, ПРООНдун Кыргызстандагы туруктуу өкүлү Луиз Чемберлен,Түштүк Кореянын элчиси Ли Вон Жэ жана KOICA мекемесинин директору Ли Жонг Су катышат.