БИШКЕК, 9-дек. — Sputnik. Министрлер кабинетинин төрагасы Акылбек Жапаров Казакстандын биринчи президенти — Нурсултан Назарбаев менен жолукту. Бул тууралуу өкмөттүн маалымат кызматы кабарлады.
Жапаров менен Назарбаев эки тараптуу кызматташуунун бир катар маселелерин талкуулашкан. Ошондой эле соода-экономикалык чөйрөдөгү кызматташтыктар, анын ичинде эки өлкө ортосундагы товар жүгүртүүнү көбөйтүү тууралуу кеп кылышкан.
Назарбаев өлкөлөр ортосундагы мамилени бир туугандык жана коңшулук жакын ымала бекемдеп турарын айткан.
Жолугушууда Акылбек Жапаров өзүнүн жана президент Садыр Жапаровдун атынан Нурсултан Назарбаев менен казак элин Казакстан Республикасынын эгемендүүлүгүнүн 30 жылдыгы менен куттуктаган.