Вулкандын күлү баскан унаадан акваланг кийген Аяз атага чейин. Сүрөт түрмөк

Вулкан изилдөөчүлөрдүн айтымында, дал ушул жаракадан Пальма аралында лава чыккан. Ал 19-сентябрда башталган. Азыркы күндө 1,1 миң гектардан ашык аянтты каптап, жети миңден ашык адам эвакуацияланган, 2,7 миң имарат талкаланды

Футбол боюнча Аргентина курама командасынын жана франциялык "ПСЖ" клубунун чабуулчусу Лионель Месси Европада эң мыкты футболчу деп табылып, France Football журналынын "Алтын топ" сыйлыгына татыды. Месси муну менен өзүнүн рекордун жаңылап, футболдогу эң абройлуу жекелик сыйлык деп саналган "Алтын топту" жетинчи жолу алды

БШК башчысы Нуржан Шайлдабекова алдын ала жыйынтык боюнча Жогорку Кеңешке өтпөй калган саясий партиялардын тарапташтары уюштурган митингде сүйлөп жатат. Шайлдабекова митингге чыккандар менен жолугуп, БШК сайтында добуштар саналып жаткан чакта автоматтык эсептөө системасында кеткен мүчүлүштүктөр үчүн кечирим сурады. "Ата Мекен", "Социал-демократтар", "Улуттар биримдиги" жана "Азаттык" партиялары кайра шайлоо өткөрүүнү жана министрлер кабинетин отставкага кетүүсүн талап кылышкан

2021-жылдын 4-декабры. Антарктидадагы Polar Union мөңгүсүндө турган адамдар күндүн толук тутулушуна күбө болуп жатышат

2-декабрда Ангела Меркель 16 жылдык карьерасынан соң Германиянын канцлери кызматынан расмий түрдө кетти. Анын урматына Берлинде салтанаттуу азем уюштурулду. Мындай салт XVI кылымда башталган. Салтанат дайыма кечинде өтөт, улуттук гимн жана марш сыяктуу бир нече музыкалык чыгармалардан турат. Мындан тышкары, шам чырактар жагылат

Ырчы Рианна Барбадостун улуттук баатыры сыйлыгын өлкөнүн Эгемендүүлүк күнүн майрамдоо учурунда президент Сандра Мейсондун колунан алды. Сентябрдын аягында Барбадостун парламенти Конституцияга монархиялык башкаруу формасынан баш тартып, өлкөнү республикага айландырууга мүмкүндүк берүүчү түзөтүүлөрдү киргизген. Ал бир добуштан колдоого алынды. Дээрлик бир айдан кийин арал генерал-губернатор Сандра Мейсонду алгачкы президент кылып дайындоо үчүн добуш беришкен. 29-ноябрда ал ант берип, мамлекетти жетектей баштады

Жөө баскан киши Стамбулдагы катуу бороондо оодарылып кеткен кеменин жанынан өтүп бара жатат. Стамбулда жана өлкөнүн түндүк-чыгышындагы эки провинциядагы кырсыкта алты адам каза болгону маалым. Мындан сырткары, чатыр сыныктарынан 46 киши жаракат алган. Шамалдын ылдамдыгы айрым жерлерде саатына 130 чакырымга жеткени маалым болду

Даджабондо (Доминикан Республикасы) тоокторун шаарга алып бара жаткан киши

Бангкоктогу (Таиланд) Motor Expo көргөзмөсүндө модель кыздар Porsche Carrera GTS автоунаасын жандап турушат

Кабул шаарында (Афганистан) апта сайын жума намаздан кийин салттуу күрөштүн түрү боюнча мелдеш өткөрүлөт

Беларусь менен Польшанын чек арасындагы "Брузги" өткөрмө бекетиндеги мигранттарды убактылуу кармоочу борборунда аял намаз окуп жатат

Модель Жордан Данн Лондондогу Fashion Awards 2021 сыйлыгын тапшыруу салтанатынын кызыл килеминен өтүп бара жатат. Редакторлор, стилисттер, сатып алуучулар жана мода басма сөзүнүн өкүлдөрүнөн турган британиялык Мода кеңеши жыл сайын бул сыйлык менен мода индустриясынын мыктыларын сыйлайт

Түштүк Кореянын Сеул шаарында жаш кыз океанариумда Санта Клаустун кийимин кийген суучулдун сүзүп жатканын карап жатат

Бразилиянын Бротас шаарында арыктаган жапайы буйволдорго ыктыярчылар жем берип жатышат

Сергек жана жигердүү жашоо образына үндөгөн активист кыштын биринчи күнүнө арналган "Сибирдин аппак пляждары" акциясында Обь дарыясында сүзүп бара жатат

Индонезиялык киши Семеру жанар тоосу атылгандан кийин күл астында калган жүк ташуучу унаасын казып чыгарганы жатат. Ишемби күнү башталган вулкандын күлү Чыгыш Явадагы жакын жайгашкан айылдарды каптап калган. Жергиликтүү тургундар дүрбөлөңгө түшүп качып кетишкен. Кеминде 13 адам каза болуп, жүзгө жакыны жаракат алганы айтылды

Иерусалимдеги Дөөт (Давид) мунарасында турган "Аалам сулуусу" сынагынын катышуучулары