БИШКЕК, 28-ноя. — Sputnik. Өлкө башчы Садыр Жапаров бүгүн, 28-ноябрда, жумушчу сапары менен Түркмөнстандын Ашхабад шаарына учуп кетти. Бул тууралуу президенттин маалымат кызматы кабарлады.
Сапардын алкагында Садыр Жапаров Экономикалык кызматташтык уюмунун (ЭКУ) 15-саммитине катышат.
"Уюмга мүчө-мамлекеттердин башчылары ЭКУ мейкиндигинде регионалдык экономикалык кызматташтыктын актуалдуу жана негизги темалары боюнча пикир алмашышат. Ошондой эле Түркмөнстандын уюмга жана анын уставдык органдарына төрагалыгынын жыйынтыгын чыгарары күтүлүүдө", — деп жазылган маалыматта.
Делегациянын курамы:
Президент бүгүн эле кечинде Бишкекке келери кошумчаланды.
Өлкө башчы эртең менен жубайы Айгүл Жапарова менен шайлоо участкасына келип, добуш берген. Президенттин үй-бүлөсү жашаган аймак Чоң-Арык айылындагы №1053 шайлоо участогуна карайт.