БИШКЕК, 28-ноя. — Sputnik. Борбордук шайлоо комиссиясы Жогорку Кеңешке шайлоодо бир мандаттуу округ боюнча АСУ эсептеген жыйынтыкты жарыялады.
Ош облусунун №4 Көк-Жар шайлоо округунан 31,46 пайыз добуш менен Өмүрбек Бакиров алдыда келе жатат. Учурда добуштардын 71,43 пайызы эсептелип бүттү. Аталган шайлоо окуругдан 8 талапкер ат салышкан.
№4 Көк-Жар шайлоо округундагы шайлоочулардын саны — 80426.
Ага Араван районунун Төө-Моюн айыл аймагы, Ноокат районунун Төөлөс, Ынтымак, Т. Кулатов, Он-Эки-Бел, Найман, Көк-Жар, Бел, Жаңы-Ноокат айыл аймактары толугу менен, Гулистан айыл аймагындагы № 5402, 5403 шайлоо участкалары кирет.
Белгилей кетсек, бул АСУнун (автоматтык эсептөө урнасынын) гана жыйынтыгы. Эми БШК добуштарды кол менен эсептейт. Жогорку Кеңешке шайлоонун акыркы жыйынтыгы 18-декабрга чейин маалым болот.