БИШКЕК, 28-ноя. — Sputnik. Бишкектеги "Ала-Тоо" аянтында өлкөнүн Жаңы жылдык башкы балатысы орнотулуп жатат.
Учурда мэриянын кызматкерлери жасалма балатынын каркасын орнотууда. Ал эми үстүңкү бөлүгүн кран менен чыгып жасашмакчы.
Шаар бийлиги былтыркы балатынын каркасы коюлуп жатканын айтты, анын жасалгасы жаңыланар-жаңыланбасы белгисиз.
Балатынын бийиктиги — 25 метр. Мындан сырткары, жыл сайын Жогорку Кеңештин алдына 15 метрлик, Улуттук филармониянын маңдайына 11 метрлик балатылар орнотулуп келет. Борбордук көчөлөр да кооздолот.