БИШКЕК, 28-ноя. — Sputnik. Борбордук шайлоо комиссиясы Жогорку Кеңешке шайлоодо бир мандаттуу округ боюнча АСУ эсептеген жыйынтыкты жарыялады.
Алдын ала маалыматтар боюнча, Жалал-Абад облусундагы № 17 Аксы шайлоо округу боюнча Нурлан Шакиев эң көп добуш алып алдыда. Аталган шайлоо округунан жалпы алты талапкер аттанган. №17 шайлоо округундагы шайлоочулардын жалпы саны 80 516ны түзөт, ага Аксы району толугу менен кирет.
Бул АСУнун (автоматтык эсептөө урнасынын) гана алдын ала жыйынтыгы. Эми БШК добуштарды кол менен эсептейт. Жогорку Кеңешке шайлоонун акыркы жыйынтыгы 18-декабрга чейин маалым болот.