БИШКЕК, 26-ноя. — Sputnik. Жогорку Кеңештин депутаттары бүгүн кезексиз жыйынга чогулуп, кесиптештери Асылбек Жээнбеков менен Төрөбай Зулпукаровду кол тийбестигинен ажыратууну карайт. Бул туурасында парламенттин маалымат кызматы билдирди.
Бүгүнкү кезексиз жыйында эл өкүлдөрү аталган сунуштаманы кароо үчүн депутаттык комиссия түзөрү күтүлүүдө.
Белгилей кетсек, аталган саясатчылар үстүбүздөгү жылдын июнь айында "Кумтөр" долбоорун ишке киргизүүдөгү коррупциялык иштерге катыштыгы бар деген шек менен кармалган. Учурда УКМКнын тергөө абагында.