БИШКЕК, 24-ноя. — Sputnik. Көз карандысыз мамлекеттердин шериктештигине (КМШ) мүчө өлкөлөрдүн Парламенттер аралык ассамблеясынын (ПАА) делегациясы парламенттик шайлоого байкоо салуу үчүн келет. Бул тууралуу аталган уюмдан билдирди.
КМШ ПАА эл аралык байкоочулар тобунун координатору болуп Өзбекстан Олий Мажлис Сенатынын депутаты Кутбидин Бурханов дайындалды.
"Азыркы учурда мониторинг жүргүзүүнүн жана добуш берүү күнү байкоочулар кыдырчу жайлардын программасы түзүлүүдө. Ошондой эле бийлик органдарынын өкүлдөрү, БШКнын жетекчилиги, саясий партиялардын мүчөлөрү менен жолугушат", — деп айтылат маалыматта.
Ошондой эле аталган байкоочулар Кыргызстандан сырткаркы 14 өлкөдөгү шайлоо участкаларына мониторинг жүргүзөт.