БИШКЕК, 24-ноя. — Sputnik. Бишкек — Ош трассасында MAN үлгүсүндөгү фура чиркегичи менен кошо оодарылып калды. Бул тууралуу ӨКМдин маалымат кызматы кабарлады.
Мындан улам саат 9:00дөн бери 500дөн ашуун автоунаа өтө албай туруп калганы айтылат.
Жол кырсык Токтогул районунун Беке-Чал айылында катталган. Мындан бир саат мурун ӨКМ жолду бир тараптуу ачып, машиналар өтө баштаганын кабарлады.
Фураны калыбына келтирүү үчүн жеринде куткаруучулар, автокран жана жүктөгүч иштеп жатат. Айдоочусу жаракат алган эмес.