Саясаттын азабын тарткан балдардан Бишкекке конгон Шевченкого чейин. Апта ирмеми

Бишкекте жол кырсыктан набыт болгон кыргызстандыктарды эскерүү жүрүшү өттү.

Австралияда кызыл крабдар жер бетин бербей токойго көчтү. Бул жаныбарлардын массалык миграциясы жер бетиндеги таң каларлык процесстердин бири. Ал учурда 120 миллиондой краб аралдын аймагын килем сындуу каптап калат.

Сан-Паулуда (Бразилия) салт болуп калган Мода жумалыгы болду.

Бишкекке 21-ноябрдын таңында UFC чемпиону, кыргызстандык Валентина Шевченко АКШдан учуп келди. Ал кичи мекенинде бир айга жакын убакыт турарын, кыргыз бермети Ысык-Көлгө барарын айтты.

Адамзатты таң калтырган жапайы табият. Тандамал 13 сүрөт

19 Жетинин айы 2021, 19:07

Каракас шаарындагы аянтка 12 миң музыкант Петр Чайковскийдин "Славян маршын" аткаруу үчүн келди. Мындай иш-чара Гиннестин рекорддор китебине кирүү үчүн Венесуэлада болду.

Беларуста миңдеген мигранттар Жакынкы Чыгыш менен Түндүк Африкадан келип Польшаны көздөй жылды. Польша бийлиги муну "массалык түрдө ичкери кирип кетүүгө кылган катуу аракет" деп баалап, үй-жайынан безгендерди өткөрүүгө караманча каршы турду.

Кыргызстанда Садыр Жапаров 15-ноябрда Бишкек шаарынын чет жагындагы ТЭЦ-2 тарапта жайгашкан үйлөргө кызыл китеп (документ) берилерин айтып, министрлер кабинетине бул боюнча тийиштүү тапшырма берди. Башкалар үчүн жөнөкөй маалымат болгону менен бул аталган аймактын жашоочулары үчүн өтө маанилүү убада болуп калды.

1 / 16

Сингапурдагы Changi Jewel аба майданы. Шаркыратманын жанындагы түгөйлөр.

2 / 16

Рождество аралындагы (Австралия) крабдардын массалык көчүүсү жер бетиндеги таң каларлык процесстердин бири. Миграция учурунда 120 миллионго чукул краб аралдын аймагын килем сындуу каптап калат.

3 / 16

Сан-Паулу (Бразилия) шаарындагы мода жумалыгынан бир көрүнүш

4 / 16

Борбордук Америкадан мигранттарды кайрадан мексикалык Хесус-Карранса муниципалитетине алып кетип бара жаткан сүрөт

5 / 16

Бишкекке 21-ноябрдын таңында UFC чемпиону, кыргызстандык Валентина Шевченко АКШдан учуп келди. Ал кичи мекенинде бир айга жакын болорун, кыргыз бермети Ысык-Көлгө да барарын айтты.

6 / 16

Аянтка бул ирет 12 миң музыкант Петр Чайковскийдин "Славян маршын" аткаруу үчүн келди. Мындай иш-чара Венесуэланын борбору Каракас шаарында болду. Дүйнөдөгү эң чоң оркестрдин бул аткаруусун Гиннестин рекорддор китебине каттоо үчүн келгендер өзгөчө музыка майрамына байкоо салып турушту.

7 / 16

Мода жумалыгы учурунда подиумда басып бара жаткан модель

8 / 16

Садыр Жапаров 15-ноябрда Бишкек шаарынын чет жагындагы ТЭЦ-2 аймагында жайгашкан үйлөргө кызыл китеп берилерин айтып, министрлер кабинетине бул боюнча тийиштүү тапшырма берди

9 / 16

АКШнын Афинадагы элчилигинин алдына чыккандардын акциясы. Жүрүш афиналык студенттердин козголоңунун 48 жылдыгына карата болгон. 1973-жылы 17-ноябрда политехникалык университеттин билим алуучуларынын нааразылыгын фашисттик "Кара полковниктер" аскердик хунтасы аеосуздук менен баскан.

10 / 16

Бишкекте жол кырсыктан набыт болгон Кыргызстандын жарандарын эскерүү жүрүшү өттү. Жолдо ажал тапкандарды эскерүүнүн эл аралык күнү жыл сайын ноябрдын үчүнчү жекшембисинде белгиленет. Акцияны коомдук фонд жана уюмдар уюштурду.

11 / 16

Франциялык хореограф Анжелен Прельжокаж койгон "Ак куу көлү" балетине болгон даярдыктан бир көрүнүш

Медиабанкка өтүү

12 / 16

Чочконун жана тооктун этин кууруп жаткан сатуучу. Куала-Лумпурдагы кытай кварталы.

13 / 16

Мынчалык ак чардакты көптөр көрө элек болсо керек. Нью-Делидеги Ямунь суусундагы кайыкчандар канаттууларга тамак берип жатат.

14 / 16

Бишкектин көчөлөрүнүн биринде бөбөктөрдү кар калың жаагандан кийин эшикте сейилдетип жүргөн аял

15 / 16

Саясаттын саркынды суусу чачыраган балалык. 8-ноябрда Беларустун чек арасынан Жакынкы Чыгыш менен Түндүк Африкадан келген мигранттар Польшаны көздөй жылды. Муну Польша бийлиги "массалык түрдө ичкери кирип кетүүгө кылган аракет" деп баалап, чегин чычкан өтө алгыс кылып бекемдеди.

Медиабанкка өтүү

16 / 16

Тутулган Ай. Вашингтон монументинин үстүнөн тартылган сүрөт. Бул жарым миң жылдыктагы эң узак убакытка созулган кубулуш болду.