БИШКЕК, 16-ноя. — Sputnik. Дүйшөмбүдө күндүз Чүй, Жалал-Абаддын тоолуу аймактарында кар жаашы ыктымал. Калган облустарда күн ачык болот. Бул тууралуу Кыргызгидромет маалымдады.
Абанын температурасы Чүй өрөөнүндө +7...+12, Ош, Жалал-Абад, Баткен, Талас облустарында +10...+15, Ысык-Көл чөлкөмүндө +4...+9, Нарын жергесинде +1...+6 градус болору айтылды.
Термометрдин көрсөткүчү Бишкекте +9...+11, Ош калаасында +11...+13 градуска жетет.