БИШКЕК, 17-ноя. — Sputnik. Талас облусунда катуу шамалдын кесепетинен бир адам каза тапты. Бул тууралуу ӨКМ билдирди.
Шамал саат 14:30да башталган. Ал төрт мектептин металлдан жасалган чатырын учуруп кеткен.
"Катуу шамалдан улам 46 жаштагы Т. З. А. аттуу кишинин үстүнө эки бак кулап, киши мүрт кеткен", — деп айтылат маалыматта.
Окуя болгон жерде жарандык коргонуу комиссиясы менен Манас районунун Өзгөчө кырдаалдар бөлүмүнүн жетекчиси иш алып барып жатат.
Кара-Буура районунун метеостанциясынын маалыматына караганда, шамалдын ылдамдыгы секундасына 20-25 метрге жеткен.