БИШКЕК, 17-ноя. — Sputnik. 2021-жылдын январь-ноябрь айларына карата республикада бардык категориядагы чарбакер субъектилерде 344,3 миң тонна эт тирүүлөй салмакта өндүрүлдү. Бул тууралуу Айыл чарба министрлигинин маалымат кызматы билдирди.
Бул көрсөткүч өткөн жылдын ушул мезгилине салыштырмалуу 6 082 тоннага же 1,8 пайызга көп болду. Мындай өсүштүн негизги себеби малдын санынын көбөйүшү менен байланыштуу.
Улуттук статистика комитетинин маалыматы боюнча, 2021-жылдын 1-январына карата республикада ири мүйүздүү малдын саны 35,0 миң башка көбөйүп 1 715,7ни түздү. Кой жана эчкинин саны 11,9 миң башка көбөйүп 6 278,7ге жетти. Жылкынын саны 17,0 миңге көбөйүп 539,6 миң баш болду. Ал эми үй канаттууларынын саны 140,7 миңге, чочконун саны 5,2 миңге азайган.
Белгилей кетсек, 2021-жылдын ноябрь айында республиканын бардык облустарында эт көбүрөөк өндүрүлгөн.