БИШКЕК, 16-ноябрь - Sputnik. Бүгүн Кара-Кече кенинен Бишкек шаарына дагы 350-400 тонна көмүр алынып келинерин "Кыргыз көмүр" мамлекеттик ишканасынын маалымат катчысы Жийде Зоотбекова билдирди.
Анын айтымында, учурда ар бирине 25-30 тонна көмүр жүктөлгөн 16 автоунаа борборду көздөй келе жатат.
"Автоунаалар Мурманская көчөсү, 1б/1 дарегиндеги кампага түшүрүлүп, 3000 сомдон сатылат. Кампага үзгүлтүксүз көмүр келип туруу үчүн Кара-Кечеден күнүнө 300-350 автоунаа жөнөтүлүп турат", ― деди ал.
Зоотбекова ошондой эле көмүр ташып келүү үчүн мамлекет тарабынан жүк ташуучу дагы жүз автоунаа бөлүнгөнүн жана көмүрдүн баасын түшүрүү боюнча ишкерлерге түшүндүрүү иштери жүргүзүлүп жатканын кошумчалады.
Кечээ, 15-ноябрда, президент Садыр Жапаров ТЭЦ-2 объектинин жанындагы конуштун тургундары менен жолугушуу учурунда Кара-Кече көмүрүнүн баасы 3 000 сомго түшөрүнө убада берген эле.