БИШКЕК, 16-ноя. — Sputnik. Бишкекте арзан баада көмүр саткан дагы бир кошумча кампа ачылганын "Кыргыз көмүр" ишканасы кабарлады.
Буга чейин тоннасы 3 миң сомдон сатылып жаткан көмүр базасы Мурманский, 1Б/1 дарегинде ачылган.
Ал эми жаңы кампа Ден Сяопин, 306/2а дарегинде жайгашкан. Бул жакта да кара алтындын баасы үч миң сом болмокчу.
Кара-Кеченин көмүрүн арзан сатуу президент Садыр Жапаровдун тапшырмасы менен уюштурулган. Ишкана элдин суроо-талабы жогору болгондуктан кошумча көмүр кампалар ачыларын убадалаган.