БИШКЕК, 16-ноя. — Sputnik. Бишкекте "КамАЗ" ААКтын автобустарынын техникалык жактан жарамдуулугу текшерилип жатат. Бул тууралуу Экономика жана коммерция министрлиги кабарлады.
Транспорттун үлгүсү "КамАЗ" ААК менен Кыргызстанда жүргүнчүлөрдү ташыган автобустарды чогултуу өндүрүшүн уюштуруу боюнча иш алып барган "Шыдыр Жол KG" ЖЧКнын биргелешкен долбоорунун алкагында алып келинген.
"ЖЧК Бишкектин шартында мындай автобустардын техникалык жарамдуулугун сыноо үчүн №35 шаардык каттамга автобустун үлгүсүн кошкон", — деп айтылат маалыматта.
Тараптар автобустарды чогултуу боюнча келишимге быйыл июнда кол коюшкан.