БИШКЕК, 16-ноя. — Sputnik. Бишкекте арзан көмүр алууга узун кезек жаралгандыктан ар бир үй-бүлөгө 2 тоннадан гана берилет деген чектөө коюлду. Бул тууралуу өлкө башчынын маалымат кызматынан билдиришти.
Эртең менен борбор калаанын кайсы жеринде көмүрдүн бир тоннасы 3 миң сомдон сатылары айтылган.
"Узун кезек пайда болушу божомолдонуп, ар бир үй-бүлөгө 2 тоннадан гана берилсин деген чектөө коюлду. 1-декабрдан тарта бул чектөө алып салынат", — деп айтылат билдирүүдө.
Кечээ, 15-ноябрда, президент Садыр Жапаров ТЭЦ-2 объектинин жанындагы конуштун тургундары менен жолугушуу учурунда Кара-Кече көмүрүнүн баасы 3 000 сомго түшөрүнө убада берген эле.