БИШКЕК, 15-ноя. — Sputnik. Ордо калаада чыгармачыл балдардын "Карусель" аттуу музыкалык фестивалы өтүп, ага борбор калаадан жана облустардан келген таланттуу бөбөктөр катышты.
Иш-чараны Кыргызстан менен Россиянын эриш-аркак жылынын алкагында Россотрудничество жана "Сейтек" улуттук балдар жана өспүрүмдөр борбору уюштурган.
Фестивалга өлкөдөгү балдардын алдыңкы хореографиялык жана вокалдык топтору, Бишкек, Каракол, Кант, Кара-Балта, Маевка, Панфилов, Новопавловка шаарларынан жеке аткаруучулар келип, өнөрлөрүн тартуулаган.
13-ноябрда иш-чаранын сынактык программасы болуп, 14-ноябрда гала-концерт коюлду.