БИШКЕК, 15-ноя. — Sputnik. Бишкекте кинорежиссёр Болот Шамшиевге арналган илимий-практикалык конференция өтөт. Бул тууралуу уюштуруучулар кабарлады.
Иш-чара "Кыргыз киносунун титаны — Болот Шамшиев. Чыгармачыл инсандын жана өлкөнүн чырмалышкан тагдыры" деп аталып, ордо калаадагы мейманканалардын биринде 16-ноябрь саат 09:30да болот.
Белгилүү кинорежиссёр Болот Шамшиев "Кыргыз кино кереметин" жаратуучулардын бири. СССРдин эл артисти, Кыргыз Республикасынын эл артисти, II даражадагы Манас ордени жана башка сыйлыктардын ээси.
"Ак кеме", "Караш-Караш окуясы", "Сүйүү жаңырыгы", "Адамдардын арасында", "Эрте келген турналар", "Бөрү зындан", "Снайперлер", "Фудзиямадагы кадыр түн" жана башка атактуу кинолордун режиссёру.
Шамшиев 2019-жылдын 21-декабрында 78 жаш курагында ооруп, көз жумган.