БИШКЕК, 15-ноя. — Sputnik. Министрлер кабинетинин төрагасы Акылбек Жапаров министрлик жана ведомстволордун статс-катчыларын ээлеген кызматынан бошотуу жөнүндө чечимге кол койду. Бул туурасында өкмөттүн маалымат кызматы билдирди.
Аталган чечим "Мамлекеттик жарандык кызмат жана муниципалдык кызмат жөнүндө" мыйзам күчүнө киргендигинен улам кабыл алынган.
Буга чейин президенттик администрация статс-катчылардын ишмердүүлүгүнө мониторинг жүргүзүп, жыйынтыгында бул институттар майнаптуулугун көрсөтө алган эмес деген тыянак чыгарган. Тийиштүү жарлыкка президент Садыр Жапаров 29-октябрда кол койгон.
Төмөндөгүлөр ээлеген кызматынан бошотулду:
Статс-катчынын милдеттери мамлекеттик органдардын жана жергиликтүү өз алдынча башкаруу органдарынын жетекчилеринин орун басарларына жүктөлөт.
Статс-катчы деген ким экенин жана колунда кандай бийлик болгонун буга чейин Sputnik агенттиги даярдаган материалдан окуп алсаңыз болот.