БИШКЕК, 14-ноя. — Sputnik. Жалал-Абаддын Токтогул районунда өрттөнгөн күйүүчү май ташыган (бензовоз) автоунаанын ичинен бир кишинин сөөгү табылды. Бул тууралуу ӨКМдин маалымат кызматынан билдиришти.
"Күйүүчү май ташыган автоунаадан чыккан өрт саат 17:00дө толук өчүрүлдү. Ичинен бир кишинин сөөгү табылды, анын ким экени аныктала элек", — деп айтылат билдирүүдө.
Эске салсак, кырсык Бишкек — Ош жолунун 238-чакырымында катталган. Аны өчүрүү үчүн саат 14:30да ӨКМдин Токтогул районунда жайгашкан бир бригада барып, тилсиз жоо саат 15:42де чектөөгө алынган.