БИШКЕК, 14-ноя. — Sputnik. Ысык-Көл облусунун Тоң районундагы Байбоосун коругунда илбирстин эки баласы фотокапканга түшүп калган.
Барстын балдарынын сүрөттөрү аталган коруктун Facebook баракчасына жарыяланды.
"Байбоосун жаратылыш коругундагы ак илбирстердин төлү кудай буюрса жакшы, көз тийбесин...", — деп жазылган сүрөттө.
Сүрөттөн илбирстин эки баласы бир-бири менен ойноп жатканын, бирөө келип фотокапканга байкоо салып, кызыгып караганын көрүүгө болот.
Байбоосун коругу — Ысык-Көл облусунун Тоӊ районундагы өзгөчө корголуучу коомдук аймак.