БИШКЕК, 13-ноя. — Sputnik. Кыргызстандык окуучулар физика сабагы боюнча эл аралык олимпиадада үч коло медалга ээ болду. Бул тууралуу Билим берүү жана илим министрлигинин маалымат кызматы кабарлады.
Ага ылайык, 8-13-ноябрь күндөрү Өзбекстандын Фергана шаарында онлайн жана офлайн форматтарда Ахмад аль-Фергани атындагы физика боюнча эл аралык олимпиада (IAFPhO 2021) өткөн. Ага 19 өлкө катышкан.
Кыргызстандык окуучулар физика сабагы боюнча эл аралык олимпиадада үч коло медалга ээ болду.
© Фото / Пресс-служба МОН КР
Кыргызстан мелдешке аралыктан катышып, олимпиада бардык санитардык-эпидемиологиялык ченемдерди сактоо менен өткөрүлгөн.
Натыйжада 11-класстын окуучулары Денис Сапарбек уулу (Кадамжай), Нияз Жусупбеков (Жалал-Абад) жана Бекали Гартман (Чүй) коло медаль жеңип алышты.