БИШКЕК, 10-ноя. — Sputnik. УКМКнын Жалал-Абад облустук башкармалыгынын Кара-Көл шаардык бөлүмү үчүн жаңы имарат курулду. Бул тууралуу мекеменин маалымат кызматы кабарлады.
"Имаратта кызматкерлер үчүн зарыл болгон бардык заманбап техникалык жабдыктар жана шарттар менен камсыздалган эс алуу бөлмөсү, автоунаа токтоочу жайлар да каралган", — деп жазылган маалыматта.
Жаңы имараттын ишке берүү аземине УКМКнын төрагасы Камчыбек Ташиев, атайын кызматтын жергиликтүү башкармалыктарынын башчылары өздүк курамы, ардагерлери жана жергиликтүү бийлик өкүлдөрү катышкан.