БИШКЕК, 9-ноя. — Sputnik. Баткен районунун Тажикстан менен чектешкен Көк-Таш айылындагы Дахма участкасындагы шарттуу чек ара сызыгына жакын жерде Кыргызстандын жаранынын сарайынан өрт чыкты. Бул тууралуу УКМКнын Чек ара кызматынын коомчулук менен байланыш бөлүмү билдирди.
Тиешелүү органдар тарабынан өрттүн келип чыккан себептерин териштирүү иштери башталды.
УКМК 2021-жылдын 9-ноябрына карата кыргыз-тажик мамлекеттик чек ара аймагындагы кырдаал туруктуу деп мүнөздөйт.