Өзгөчө кырдаалдар министрлиги 10 адам ар кандай жаракат алганын кабарлаган. Саламаттык сактоо министрлиги маалыматка тактоо киргизип, сегиз адамдын олуттуу жаракаты жок болгондуктан медициналык жардам алып кетишкенин билдирди. Ал эми бирөө Бишкектеги Травматология жана ортопедия илим-изилдөө борборунун Омуртка патологиясы бөлүмүнө жаткырылган. Экинчи кишинин колу кесилип, Улуттук госпиталга түшкөн. Бирок ал да үйүнө чыгарылган деп айтылды.