БИШКЕК, 7-ноя. — Sputnik. Коронавирус инфекциясы менен ооруп айыккандардын дене табы бир нече айга чейин 37-37,5 градуска чейин көтөрүлүшү мүмкүн. Бул тууралуу Sputnik радиосуна нейрофизиолог Александр Будик билдирди.
Анын айтымында, оору маалында дене табы көтөрүлүп жатканынан чочулабай деле койсо болот, бул организм инфекция менен күрөшүп жатканын билдирет. Эгерде температура айыккандан кийин да түшпөсө организмде дисбаланс болуп жатканынан кабар берет.
Будик коронавирустан же башка вирустук оорулар менен ооругандан кийин дене табы бир нече жума, жада калса айлап 37-37,5 градуска чейин көтөрүлүшү мүмкүндүгүн белгиледи.
"Катардагы сасык тумоо, курч кармаган вирустук респиратордук ооруларда мындай симптом болчу, эми ал коронавируста да байкалууда", — деген адис.
Дарыгер дене табынын көтөрүлүшү коркунуч жаратпай турганын, эгерде ал башка симптомдор менен коштолсо, тагыраагы, баш менен муундар ооруса ооруканага кайрылуу керектигин эскертти.
Ошондой эле оорунун башка белгилери болбосо убакыттан өтүшү менен дене табы 36,6 градуска кайтарын кошумчалаган.