БИШКЕК, 6-ноя. — Sputnik. Министрлер кабинетинин төрагасы Акылбек Жапаров Тажикстандын өкмөт башчысынын орун басары Усмонали Усмонзода менен гидроэнергетикалык мүмкүнчүлүктү өнүктүрүү жана башка дагы бир нече маселени талкуулады. Бул тууралуу өкмөттүн маалымат кызматынан кабарлады.
Алардын "Европа биримдиги – Борбордук Азия" биринчи экономикалык форумунун алкагында жолукканы айтылды.
"Жолугушуунун жүрүшүндө кыргыз-тажик өз ара кызматташуусунун актуалдуу маселелери боюнча пикир алмашуу болду. Эки республиканын гидроэнергетикалык потенциалын өнүктүрүү боюнча биргелешкен долбоорлорду ишке ашырууга өзгөчө басым жасалды", — деп билдирди маалымат кызматы.
Тараптар эки элдин ортосундагы ишенимди чыңдоо жана жергиликтүү тургундар арасында чыңалууну алып келүүгө багытталган ар кандай аракеттерге тыюу салуу маанилүү экендигин айтып, бул жаатта кеп кылышкан.