БИШКЕК, 4-ноя. — Sputnik. Ысык-Көлдө УКМК өкүлдөрү үчүн төрт батирлүү кызматтык үй курулду. Бул тууралуу Улуттук коопсуздук мамлекеттик комитети билдирди.
Чолпон-Ата шаарында жайгашкан үйдүн курулушу соңуна чыгып, бүгүн, 4-ноябрда, пайдаланууга берилди.
Үйдүн ачкычын тапшыруу аземине УКМК төрагасы Камчыбек Ташиев, президенттин облустагы өкүлү Мирбек Кожоев, мамлекеттик кызматтын өкүлдөрү жана ардагерлери, райондук мамлекеттик администрациянын башчысы катышты.
Эске салсак, кечээ, 3-ноябрда, УКМКнын Жети-Өгүз районундагы өкүлдөрүнө дагы төрт батирлүү кызматтык үй тапшырылган.