БИШКЕК, 4-ноя. — Sputnik. Бразилияда 30 жаштагы эркек киши аарыдан качып баратып көлгө секирип, ач пираньяларга жем болду. Бул тууралуу LADbible басылмасы жазды.
Куткаруучулар жоголуп кеткен кишини издөө үчүн сууга түшмөк болуп, бирок сууда пираньялар көп экенин эскертишкен. Натыйжада эркек кишинин сөөгү жээктен табылган. Тиштүү балыктар аны жулмалап, оң жак бетин жеп кетишкени айтылды.
Пиранья — тиштүү жана жаактуу жырткыч балык. Алар адатта үйүрү менен жүрөт.