БИШКЕК, 2-ноя. — Sputnik. Америкалык атактуу актер Микки Рурк Instagram баракчасына UFC чемпиону Валентина Шевченкого арнап пост жазды.
Актер бокс менен аралаш мушташ спортунун ашынган күйөрманы катары белгилүү.
"Валентина Шевченко мыкты!" — деп Рурк пост жазып, астына Кыргызстандын желегин кошкон.
Өз кезегинде Шевченко постко жооп кылып ыраазычылык билдирген.
Буга чейин актер кыргызстандык мушкер кызга арнап латын ариби менен орус тилинде пост жазган. Мыкты таймаштары менен рахат тартуулаганы үчүн Микки Рурк UFC чемпионуна ыраазычылык билдирген.
Сентябрь айында Шевченко америкалык Лорен Мерфини жеңип, алтынчы ирет чемпиондук наамын коргоду.