БИШКЕК, 1-ноя. — Sputnik. Президент Садыр Жапаров бүгүн БУУнун климаттын өзгөрүүсү жөнүндө алкактык конвенциясынын тараптарынын 26-конференциясынын дүйнө лидерлеринин саммитинин ачылыш аземине катышты. Бул тууралуу мамлекет башчынын маалымат кызматынан кабарлады.
БУУнун климаттын өзгөрүүсү жөнүндө алкактык конвенциясынын тараптарынын 26-конференциясы 30 миңден ашуун делегат, анын ичинде 120 дүйнө лидерлеринин, эксперттер, өкмөттүк аткаминерлердин катышуусунда өткөн Улуу Британиядагы эң ири саммит болуп калары белгиленди.
Саммит алкагында Садыр Жапаров эртең, 2-ноябрда, кайрылуу менен чыгары күтүлүүдө. Маалымат кызматы президент иш-чаранын катышуучуларынын көңүлүн мөңгүлөрдү жана суу ресурстарын климаттын өзгөрүүсүнөн эле эмес, абийирсиз чарбалык ишмердүүлүктөн да сактап калуу маанилүү экенине көңүл буруп, айлана-чөйрөнү коргоо маселелерине токтолору айтылган.
Жапаров бүгүн саммиттин алкагында Монголия президенти Ухнаагийн Хурэлсух, Армения жетекчиси Армен Саркисян, Канада премьер-министри Жастин Трюдо, Ислам банкынын жетекчиси Мухаммадом бин Сулейманом Аль-Жассир менен жолуккан.