БИШКЕК, 1-ноя. — Sputnik. Борбордук шайлоо комиссиясы 28-ноябрдагы шайлоого катыша турган партиялардын талапкерлеринин тизмесин жарыялады.
Алардын катарында "Аруузат-Эл-Куту" партиясы дагы бар. Мыйзамга ылайык партия 54 талапкерди көрсөткөн. Бул тизмеде депутат болом дегендердин арасында жогорку окуу жайлар менен орто мектептердин мугалимдери көп кездешет.
Тизмеде жашы 60ка таяп жана андан ашып калгандардын саны 10дон ашык. Эң улуусу 76 жашта.