БИШКЕК, 31-окт. — Sputnik. Кыргызгидромет агенттиги алдыдагы аптага карата аба ырайынын божомолу тууралуу маалымат берди.
Ага ылайык, Бишкек шаарында 1-3-ноябрь күндөрү жана 4-ноябрда түнкүсүн жаан-чачын болбойт. Ал эми 4-ноябрда күндүз жамгыр жаап карга айланышы күтүлөт. 5-6-ноябрда күндүн көзү ачылып, жаан токтойт.
Чүй жана Талас облустары
1-3-ноябда күн ачык болуп турат. 4-ноябрда көпчүлүк аймактарда жаан карга айланып, тоолуу райондорго кар түшөт. Кээ бир райондордо жаан-чачын катуу жаайт.
5-ноябрда күндүз жана 6-ноябрда күн ачылат.
Ош, Жалал-Абад, Баткен облустары
1-3-ноябрда жаан-чачын күтүлбөйт. Бирок 4-ноябрда күндүз, 5-ноябрда түнкүсүн көпчүлүк аймактарда кар, кээ бир райондордо жаан-чачын катуу жаайт. 5-ноябрда күндүз жана 6-ноябрда түнкүсүн кээ бир райондордо кар жаашы ыктымал. Күндүз жаан токтойт.
Ысык-Көл облусу
1-3-ноябрда жаан-чачын күтүлбөйт. 4-ноябрда көпчүлүк райондордо жамгыр аралаш кар, тоолуу аймактарда кар жаайт.
5-ноябрда түнкүсүн басымдуу аймактарда кар, кээ бир жерлерде жаан-чачын катуу жаайт. 5-ноябрда күндүз жана 6-ноябрда күн ачык болот.
Нарын облусу
1-3-ноябрда жаан-чачын күтүлбөйт. 4-ноябрда көпчүлүк аймактарда жамгыр карга айланып, тоолорго кар түшөт. 5-ноябрда түнкүсүн көпчүлүк аймактарда кар жаайт. Бирок күндүз жана эртеси жаан-чачын күтүлбөйт.
Аба ырайынын жакындатылган божомолуна ылайык, 7-ноябрда өлкө аймагында жаан жаабайт, абанын температурасы бир аз жогорулайт.